Президент Шавкат Мирзиёев 26 декабрь куни Абдулла Қодирий номидаги ижод мактаби ва музейни бориб кўрган, шу ерда ёзувчи ва шоирлар, адабиёцҳунос олимлар, ёш ижодкорлар билан мулоқот қилган эди.
«Ўзбекистон 24» телеканалининг хабар беришича, ушбу учрашув давомида давлат раҳбари Ўзбекистоннинг яқин истиқболда минтақавий халқаро ташкилотларга қўшилиши масаласида ҳам фикр билдирган.
Биз катта-катта интеграцияларга қўшилмоқчимиз. «Мустақилликни бериб қўямиз», деганга ўхшаш ҳар хил гаплар айтиляпти. Энди ким бўлишидан қатъий назар, ўзбек миллати ҳеч қачон мустақиллигини бериб қўймайди. Неча асрлар аввал боболаримиз бошлаб берган кураш ҳозир ҳам давом этади.Шавкат Мирзиёев, Ўзбекистон Президенти
Маълумот учун, сўнгги вақтларда Ўзбекистоннинг Евросиё иқтисодий иттифоқига қўшилиши масаласи фаол муҳокама қилинмоқда. Куни кеча Ўзбекистон ташқи ишлар вазири биринчи ўринбосари Илҳом Неъматов «фақат иқтисодий манфаатлардан келиб чиқиб» ушбу халқаро ташкилот фаолиятида қатнашиш тарафдори эканини маълум қилган эди.
Изоҳ (0)