Мамлакатимиз аста-секинлик билан халқаро молиявий майдонида ўз ўрнини эгаллаб келмоқда. Бунга қатор халқаро агентликлар томонидан унга «барқарор» рейтингининг берилиши, ватанимиз тарихидаги илк евробондларнинг жойлаштирилиши ёки фонд бозорининг ривожлантирилишига алоҳида эътибор қаратилиши бунинг яққол исботидир. Мисол учун Moody’s «B1» — мамлакатимиз ўз молиявий мажбуриятларини бажара олишини тасдиқлаган бўлса, Standard & Poor’s Global томонидан ҳам барқарор башоратли «BB-/B» рейтинги тасдиқланди. Ўзбекистоннинг халқаро иқтисодий ҳамжамият орасида ижобий образга эга бўлиши, молия бозори иштирокчиларининг юқори эътибори билан бир қаторда маълум маъсулият ҳам юклаши турган гап.
Рейтинг агентликлари учун давлатнинг иқтисодий қудрати, молиявий кучи ёки рискли ҳолатлар асосий бўлса-да, сармоя киритишни режалаштирган компаниялар ёки Ўзбекистон бозорига кираётган халқаро брендлар ҳудуд инфратузилмасини ҳам инобатга оладилар.
Бу борада Tashkent City Халқаро Ишбилармонлик Маркази ҳар томонлама талабларга мос имкониятларни таклиф қилмоқда. Яратилаётган замонавий молиявий марказдаги 4 та кўп қаватли бинода Ўзбекситоннинг илғор банклари, етакчи халқаро молия ва инвестиция ташкилотлари ҳамда бошқа йирик компаниялар жойлашиши кўзда тутилган.
Ҳозирги пайтга келиб, Tashkent City молиявий маркази, яъни 6-Лотда қурилиш ишлари қизғин давом этмоқда. Сваяларни қоқиш деярли якунига етиб улгурган. Алоқа, Асака ва Саноат Қурилиш банклари биноларини қураётган Shanghai Construction мутахассисларининг фикрига кўра тўлиқ битирилиши 2021 йилга мўлжалланган молиявий марказ ҳудудини умумий ер-ости автомобиль турар жойи, ҳамда ойнали фасадларнинг уйғунлиги бирлаштириб туради. Аммо, ҳар бир бино ўзининг ноёб концепциясига эга бўлиб, у нафақат инвестициялар ва фоиз ставкаларига шўнғиган мутахассисгагина қизиқ бўлиб қолмай, эстетик жиҳатдан завқ ҳам таклиф эта олади.
Хусусан, бинолар концепциялари тегишли компаниялар ички маданиятини акс этган холда, миллий маданият ва миллий санъат ғояларини ҳам ўз ичига олади. Молиявий ҳисоб-китобларгахос аниқлик ва қатъийлик биноларнинг архитектуравий шаклларида акс эттирилса-да, улар деталлардаги Шарқона оҳанглар билан тўиқ ҳамнафас. Мисол учун Саноат қурилиш банки биноси мустахкамлик, доимий янги марралар сари интилиш тимсоли. Асака банк эса миллий маданиятимизга қиёсланган. Ижод ва санъат бўлса Алоқабанк биносида ўз аксини топган.
Ушбу биноларда биринчи навбатда асосий инвесторлар – банк муассасаларининг бош идоралари хамда бизнес марказ жойлашади. Бу мақсад учун биноларнинг қуйи қисмлари ажратилган. 26 қаватли Алоқабанк биносида 7 қават банк эҳтиёжларига, 9 – 25 қаватларни ижарага топшириш мўлжалланган. Саноат Қурилиш Банки биносида эса умумий 33 қаватнинг бошланғич 11 та қаватига банк эгалик қилиб, 13 – 32 қаватлар ижарага топширилади. Асака банк биносидаги 26 қават пастки қаватларида банк ва 11 – 24 қаватлар ижарага берилади. Шу билан бирга 3 та бинода ҳам 2 тадан қават техник мақсадлар учун ажратилган.
Осмонўпар иншоотларда фаолият олиб борувчи ходимлар хамда ташриф буюрувчиларга қўшимча қулайликлар тақдим этиш учун ресторан ва кафе каби умумий овқатланиш жойлари, кўп функцияли ҳудудлар ва юқори қаватларда жойлашган кузатув майдонлари мавжуд.
Омма томонидан аллақачон машҳур Уолл Стритга қиёсланаётган молиявий марказ Ўзбекистоннинг жаҳон иқтисодиётидаги ўрнини янада мустаҳкамлаши, дунё молия соҳаси етакчилари ва Ўзбекистоннинг компаниялари ўртасидаги ҳамкорликни янги босқичга олиб чиқиши, албатта юртимиздаги ишбилармонлик муҳитини фаоллаштириши режалаштирилган.
Реклама ҳуқуқи асосида.
Изоҳ (0)