Ernst&Young (EY) компанияси Ўзбекистон қимматли қоғозлар бозорида консултатив хизматлар кўрсатиш бўйича лицензияга эга бўлди. Бу ҳақда капитал бозорини ривожлантириш агентлиги ахборот хизмати хабар қилган.
Лицензияга эга бўлгач EY маҳаллий акционерлик компанияларига қимматли қоғозларни чиқариш, сотиш ва улар билан боғлиқ бошқа муносабатлар, қимматли қоғозлар бозори ва унинг иштирокчилари ҳолатини таҳлил ҳамда прогноз қилиш бўйича керакли маслаҳатлар берди.
Бундан ташқари, ташкилот қимматли қоғолар бозоридаги мутахассисларни қайта тайёрлаш ва малакасини ошириш, шунингдек мижознинг қимматли қоғозлар бозоридаги ҳисоботини тайёрлаш билан шуғулланади.
Капитал бозорини ривожлантириш агентлиги ахборот хизматининг қайд этишича, Ўзбекистонда бугунги кунда инвестиция бўйича маслаҳат берувчи лицензияга эга 44 та компания фаолият олиб бормоқда.
Аввал KPMG компанияси инвестиция масалалари бўйича консултант компания сифатида Ўзбекистонда лицензия олган. Халқаро миқёсдаги аудиторлик ташкилотларининг «катта тўртлиги»га кирувчи KPMG 2018 йилнинг апрель ойида 10 йиллик танаффусдан кейин яна Тошкентда офисини очганди.
Изоҳ (0)