Ўзбекистон Республикасининг Уй-жой кодексига ўзгартириш киритиш режалаштирилмоқда. Тегишли қонун лойиҳаси муҳокама учун эълон қилинди.
Унга кўра, Ўзбекистоннинг 1998 йил 24 декабрда қабул қилинган 713-1-сонли қонуни билан тасдиқланган Уй-жой кодекси 15-моддасидаги (Турар жойни яшаш учун мўлжалланмаган жойга ўтказиш) «туманлар ва шаҳарлар ҳокимларининг қарорига биноан» деган сўзлар «туманлар (шаҳарлар) қурилиш бўлимларининг рухсатномасига биноан» деган сўзлар билан алмаштирилади.
15-модданинг амалдаги таҳририга кўра, яшаш учун яроқли бўлган турар жойни яшаш учун мўлжалланмаган жойга ўтказишга йўл қўйилмайди. Алоҳида ҳолларда, тураржойни яшаш учун мўлжалланмаган жойга ўтказиш мулкдорнинг ёки у ваколат берган органнинг (шахснинг) аризасига кўра туманлар ва шаҳарлар ҳокимларининг қарорига биноан, Вазирлар Маҳкамаси томонидан белгиланган тартибда амалга оширилади.
Изоҳ (0)