Футбол бўйича Англия Премьер лигасининг 18-тур баҳсларига 21 декабрь, шанба куни старт берилди.
Фредди Юнгберг бошқарувидаги Лондоннинг «Арсенал» клуби Ливерпулда Данкан Фергюсон қўл остидаги «Эвертон»га қарши майдонга тушди.
Учрашувда дарвозалар дахлсизлиги сақланиб қолинди ва томонлар бир очкодан бўлишиб олди (0:0).
Маълумот учун, «тўпчилар» 23 очко жамғарган ҳолда мусобақа жадвалида 9-ўринда бормоқда. «Эвертон» эса 19 очко билан 15-ўринни эгаллаб турибди.
Эслатиб ўтамиз, кейинги турдан «Арсенал»ни «Манчестер Сити»да Хосеп Гвардиолага ёрдам бериб келган Микель Артета бош мураббий сифатида майдонга олиб тушади. Жамоа 37 ёшли Артета билан 3,5 йиллик шартномага имзо чекди.
«Наполи» собиқ бош мураббийи Карло Анчелотти эса Мерсисайд клубига устозлик қилади. Анчелотти бунга қадар «Ювентус», «Милан», «Челси», ПСЖ, «Реал», «Бавария» ва бошқа клубларда фаолият юритган.
АПЛ
18-тур баҳси
21 декабрь, шанба
«Эвертон»—«Арсенал» 0:0
«Эвертон»: Пикфорд, Дин, Сидибе, Мина, Холгейт, Дэвис, Сигурдссон, Делф (Кин, 72), Ивоби (Тосун, 11; Кин, 80), Ришарлисон, Кэлверт-Льюин«Арсенал»: Лено, Мэйтленд-Найлз, Давид Луиз, Чемберс, Жака, Смит-Роу (Уиллок, 66), Нелсон, Торрейра, Мартинелли, Обамеянг (Ляказетт, 78), Сака
Огоҳлантиришлар: Сака (28), Дэвис (45), Сигурдссон (75), Чемберс (87), Уиллок (90)
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)