Путин Лениннинг жасадини мавзолейдан олиб чиқиш керак эмаслигини айтди

Россия президенти Владимир Путиннинг фикрига кўра, Ленин жасадини мавзолейдан олиб чиқмаслик керак. Бу ҳақда Sputnik хабар берди.

Россия президенти иштирокида бўлиб ўтган матбуот анжуманида журналистлардан бири Путинга Ленин бошқарувини танқид қилгани, унинг жасадини олиб чиқилиши ёки чиқилмаслиги ҳақида савол берган.

Президент Ленинни давлат арбоби эмас, балки инқилобчи бўлган, деб айтган. Унинг сўзларига кўра, Ленин бир нечта хатоларга йўл қўйган. Биринчидан, Совет Иттифоқи баъзи республикаларининг ҳудудлари маҳаллий халқларининг анъанавий яшаш жойларига мос бўлмаган. Иккинчидан, Ленин даврида Коммунистик партия СССР билан боғланган ва у қулаганидан кейин у ҳам парчаланиб кетган.

«Мавзолейдан Ленин жасадини олиб чиқиш масаласини кўтариш керак эмас. Қандай бўлмасин, бизда ўз ҳаёти, тақдири ва ўтмишдаги маълум ютуқларини шу билан боғлайдиган кўплаб одамлар бор. Совет Иттифоқи жаҳон пролетариатининг доҳийси — Владимир Илич Ленин билан боғлиқ», — деди Владимир Путин.