АҚШ аҳолисининг 44 фоизи Вакиллар палатаси президент Дональд Трампга нисбатан эълон қилган импичментни маъқулламоқда. Reuters агентлиги ва Ipsos компанияси томонидан ўтказилган сўров натижалари шундан далолат берди, дея маълум қилади «Коммерсантъ».
Сўров 18—19 декабрь кунлари бутун АҚШ ҳудуди бўйлаб ўтказилди. Унда 1108 киши иштирок этди.
Вакиллар палатаси Трампни мансабни суиистеъмол қилиш ва Конгресс фаолиятига тўсқинлик қилишда айблади. Биринчи айбловга сўралганларнинг 53, иккинчисига эса 51 фоизи қўшилган.
Сўровда иштирок этганларнинг 42 фоизи Конгресс президентни лавозимдан четлатиши, 17 фоизи унга ҳайфсан эълон қилинишини ёқлаган. 29 фоиз респондентлар эса Трампдан барча айбловларни олиб ташлаш кераклигини билдирган.
Маълумот учун, Вакиллар палатаси қароридан сўнг импичмент бўйича овоз бериш юқори палата — Сенатда ҳам ўтказилади, бироқ ҳали санаси аниқ эмас.
Изоҳ (0)