Ижтимоий тармоқларда Тошкент шаҳар Сергели туманида автобус ва Nexia иштирокида содир бўлган йўл-транспорт ҳодисаси акс этган видео тарқалди. Тошкент шаҳар ИИББ мазкур ЙТҲ бўйича маълумот берди.
Хабар берилишича, 17 декабрь, сешанба куни тахминан соат 18:00 да Биродарлик ва Қўрғонтепа кўчалари кесишмасида асосий йўлдан ҳаракатланиб борган 28 ёшли Р.К. бошқарувидаги Mercedes-Benz русумли автобус Тошкент вилоятида яшовчи 23 ёшли Д.Т. бошқариб борган Nexia 3 автомобили билан тўқнашган.
Қайд этилишича, ЙТҲга Nexia автомобили ҳайдовчиси асосий йўлдан ҳаракатланиб борган автобусни ўтказиб юбормагани сабаб бўлган.
ЙТҲ натижасида енгил автомобиль ҳайдовчиси, шунингдек, унинг йўловчиси 19 ёшли Х.С. тан жароҳатлари олган ва шифохонага ётқизилган.
Изоҳ (0)