17 декабрь куни Ўзбекистон ёзувчилар уюшмасида фаоллар кенгашининг навбатдаги йиғилиши бўлиб ўтди, деб хабар берди уюшма ахборот хизмати.
Унда Президент маслаҳатчиси, адиб Хайриддин Султонов, Президент маслаҳатчиси ўринбосари Абдурашид Жўрабоев, Вазирлар Маҳкамаси котибият мудири Баҳодир Аҳмедов иштирок этди.
Тадбирда ташкилий масала кўрилди. Шу вақтгача уюшма раисининг Ёшлар билан ишлаш бўйича ўринбосари вазифасида ишлаб келган Нодиржон Холбўтаев раиснинг Ижодий ишлар бўйича биринчи ўринбосари лавозимига тайинланди.
«Ўзбекистон почтаси» акциядорлик жамияти Молия бўйича директори вазифасида ишлаб келган Саидғани Насриддинов раиснинг Бино эксплуатация ишлари бўйича биринчи ўринбосари лавозимига тайинланди.
Шунингдек, уюшманинг Тошкент вилояти бўлими бош мутахассиси вазифасида ишлаган Ботиржон Эргашев раиснинг Ёшлар билан ишлаш бўйича ўринбосари лавозимига тайинланди.
Изоҳ (0)