Ўзбекистон гендер тенглиги бўйича рейтингга киритилмади

Халқаро иқтисодий форум якунланаётган йил бўйича Global Gender Gap Index рейтингини эълон қилди, деб хабар беради «Фонтанка».

Индекс бутун дунёдаги 153 давлатни тўрт йўналиш бўйича ҳисоблаб тузилган: соғлиқни сақлаш ва узоқ умр кўриш давомийлиги, иқтисодиёт ва карьера, таълим ҳамда сиёсий ҳуқуқ. Ўзбекистон ушбу рейтингга киритилмаган.

Россия эса рейтингнинг 81-поғонасидан ўрин олган. Таъкидланишича, мамлакатда асосий муаммо — сиёсий жабҳалардаги гендер тенглиги. Россия бу борада жаҳон бўйича 122-ўринда кетмоқда. Парламентдаги аёллар сони бўйича 112-ўринда. Халқаро иқтисодий форумнинг қайд этишича, сўнгги 50 йилдан буён Россия, Италия, Мексика, ЖАР, Испания, Швеция ва АҚШ каби жаҳоннинг 85 давлатини фақатгина эркаклар бошқариб келмоқда.

Умумий ҳисобда олганда бутун дунёда парламентнинг тўртдан бир қисмини аёллар эгалламоқда (25,2 фоиз) ва вазирликлардаги лавозимларнинг бешдан бири (21,2 фоиз) аёллар қўлида.

Гендер тенглиги масалаларида энг толерант давлатлар бу — Шимолий Европа мамлакатлари: Исландия (87,7 фоиз, Норвегия (84,2 фоиз), Финляндия (83,2 фоиз) ва Швеция (82,0 фоиз). Топ-10 рўйхатдан Никарагуа (80,4 фоиз), Янги Зеландия (79,9 фоиз), Ирландия (79,8 фоиз), Испания (79,5 фоиз), Руанда (79,1 фоиз) ва Германия (78,7 фоиз) ўрин олган.

АҚШ эса рўйхатнинг 53-ўринни эгаллаган. Рейтингнинг охиридан Покистон (56,4 фоиз), Ироқ (53 фоиз) ва Яман (49,4 фоиз) ўрин олган.

2019 йилнинг февралида Жаҳон банки «Аёллар, бизнес ва қонун—2019» рейтингида 116-ўринга жойлаштирган эди. Мазкур рейтингда Россия Собиқ Иттифоқ давлатлари орасида фақатгина Ўзбекистондан олдинги ўринда эди.