Тошкент шаҳар ҳокимининг 2019 йил 16 декабрдаги қарори билан «Тошшаҳартрансхизмат» АЖ бошқарувида ўзгариш юз берди, деб хабар бермоқда пойтахт ҳокимлиги матбуот хизмати.
«Тошшаҳартрансхизмат» АЖ бошқаруви раиси вазифасида ишлаб келган Моҳир Валиев лавозимидан озод этилиб, ушбу лавозимга тайинлов бўлгунига қадар, унинг вазифасини бажариш Тошкент шаҳар транспорт бошқармаси бошлиғи Анвар Жўраевга юклатилди.
У 2017—2018 йилларда ҳам «Тошшаҳартрансхизмат» раҳбари вазифасида ишлаган.
Эслатиб ўтамиз, Моҳир Валиев «Тошшаҳартрансхизмат» АЖ раиси лавозимида 2018 йилнинг 24 июлидан буён ишлаб келаётган эди.
2014—2017 йилларда «Тошшаҳартрансхизмат» АЖ раисининг молиявий-иқтисодий масалалари бўйича ўринбосари лавозимида ишлаган вақтида «Тошшаҳартрансхизмат»нинг раҳбари вазифасини бажарувчи этиб тайинланган Мирҳосил Холматов уни бўшатиб юборишни таклиф қилганди.
Бироқ ойлик йўл чиптаси эвазига уй ютиб олиш ва автобусларнинг ярим тунгача юришини таъминлаши тўғрисида киритган таклифи раҳбарият томонидан рад этилиб, Мирҳосил Холматовнинг ўзи ишдан олинганди.
Изоҳ (0)