Янги қурилган уйларни хариди жараёнида ҳар бир шахс ўз талабларидан келиб чиққан ҳолда пастроқ қаватда ёки чексиз шижоати сабаб баландроқда, айримлар учун таълим масканларининг яқинлиги асосий бўлса, айримларга транспорт йўналишлари етакчи ўрин тутади. Агарда Tashkent City халқаро ишбилармонлик марказидаги турар жой мажмуаларида турли хил дид ва талабларга мос таклифлар мавжуд бўлса-чи, қайси бирини танлаган маъқул?
Оламшумул режаларни эндигина ўз олдига қўйган ёш оила. Гўёки амалга ошиши амримаҳол туюлган ғоялар, бир-биридан юқори марраларни забт этиш ёки мисли кўрилмаган ижод маҳсулини яратишга эндигина бел боғлаган ташаббускор жамият вакиллари учун Tashkent City’да ўз уйига эга бўлиш шак-шубҳасиз мафтункор таклиф. Асосийси замон билан ҳамнафас бўлиш: сўнгги русумдаги уяли алоқа телефонлари ва автомобиллар, энг технологик офисларда XXI асрнинг энг оммабоп касб сирларини мукаммал эгаллаш, улкан талабларни қондириш учун улкан маошлар…чегараланмаган эҳтиёжлар ва серғайрат интилишлар тимсоли.
Балки оила аъзоларининг эҳтиёжлари устун қўйилиб, хонадон танловида ҳал қилувчи аҳамиятни мажмуа инфратузилмаси ўйнаса-чи? Анъанавий ўрта ёшдаги оилалар учун фарзандларининг сифатли таълим олишлари ва ривожланишлари, нафақадаги ота-оналари учун эса барча шарт-шароитларнинг мавжудлиги уй сотиб олишдаги муҳим жиҳатдир. Айниқса, улар ўйингоҳлар ва сайр майдонлари, турли таълим масканлари ва тўгаракларнинг яқин атрофдалигини хуш кўришлари турган гап.
Яна бир мисол, сармоя киритиш ва фойда олишни мақсад қилган тадбиркор. Бўлажак ижарачи ўрнидан фараз қилганда турар жой ўлчамлари, шаҳарнинг муҳим аҳамият касб этувчи жойларига осон етиб олиш имконияти, транспорт қатнови, кундалик савдо ёки кўнгил очар марказларнинг кенг таклифи мавжудлиги инобатга олинади. Кенг миқёсда хонадондан қўшимча даромад олиш учун фойдаланиш катта шаҳарларда оммалашган амалиёт. Сайёҳлар ёки меҳнат сафаридаги одамлар бўлса, асосий харидорлар ҳисобланади.
Юқорида санаб ўтилган турли-туман талаб ва эҳтижойларга Tashkent City халқаро ишбилармонлик маркази ҳудудида унданда бой ва кенг қамровли хонадон турлари таклиф этилмоқда.
Фурқат ҳамда Навоий кўчалари кесишувидаги, Tashkent City лотларининг энг биринчиси Gardens Residence’га эътибор қаратиш мумкин. 89 518 кв.м. қурилиш майдони ва умумий 9 та кўп қаватли уйда 1 180 та хонадон ҳамда 1 400 та автомобиль сиғимли тураргоҳ ўрин олади. Gardens Residence мажмуасида турар жойлар билан бир қаторда спорт ва фитнесс марказлари, гўзаллик салонлари, овқатланиш масканлари, халқаро бренд дўконлари, юқори малакали тарбиячи ва мураббийлар фаолият юритувчи хусусий боғча, 11 та болалар ўйингоҳлари, яшил ҳудуд ва сунъий сув ҳавзалари қурилмоқда.
Европа архитектураси ва шарқ маданиятини ўзида мужассамлаштирган Boulevard турар жой мажмуаси эса 7 та 7 қаватли уйда 1 167 та хонадонларни тақдим этади. Уларнинг майдони 46 дан то 118 квадрат метргача. Хонадонлар нафақат майдонлари билан, балки баландлик жиҳатдан ҳам фарқланади: энг пасти 3,40 бўлса, энг баланди 4,40 метрга етади. Мажмуанинг яна бир ўзига хос жиҳатларидан бири бу ҳар бир хонадонда камида биттадан очиқ балкон мавжуд. Boulevard турар жой мажмуасида 1 600 дан ошиқ автомобилга мўлжалланган тураргоҳ, ҳар бир уй олдидаги болалар ўйингоҳлари, яшил ҳудудлар, сайр майдонлари ва ҳ.к.лар мавжуд. Роппа-роса 3000 метрга чўзилган савдо кўчаси эса ўзининг кўплаб дўконлари, ресторанлари ва кўнгилочар масканлари билан Boulevard’ни, пойтахтнинг энг ёдда қоларли жойларига айлантиради.
NestOne ўзининг ҳажми билан оммага танилиб улгурган энг баланд осмонўпар бино ҳам Tashkent City 4-лотида жойлашади. Умумий 266,5 метр баландлик ва 51 қаватга қад кўтараётган NestOne’да 746 та хонадон бўлиши кутилмоқда. Мазкур турар жой мажмуасининг устунликларидан бири бу — Тошкентнинг қоқ марказидаги баландликдан бутун шаҳарга очилаётган панорамали манзара бўлади.
Central Plaza уйлари Tashkent City халқаро ишбилармонлик марказининг 2-лотидаги меҳмонхона, бизнес ва савдо маркази билан бир қаторда 3 та 21 қаватли уйда 415 та хонадонларни ҳам тақдим этади. Уйларнинг ажралиб турувчи томонларидан бири бу иш фаолияти, дам олиш ва яшаш ҳудудларининг ўзида мужассамлаштирганлигидир. 45 886 квадрат метр майдон ичида жойлашган уйлар юқори қулайлик ҳамда 1 200 та автомобилга мўлжалланган 2 қаватли тураргоҳларни тақдим этади.
Санаб ўтилган барча мажмуалардаги уй бошқарув корхоналари барча хизмат кўрсатиш тизимлар фаолиятини ҳамда суткасига 24 соат давомида юзага келиши мумкин бўлган саволларни ҳал қилинишини назорат қилади. Шу билан бирга, техник хизматлар ҳамда хизмат кўрсатувчи вакиллар билан барча қўшимча хизматларни бирлаштириш мумкин.
Замонавий турар жойга бўлган эҳтиёжларни мукаммал қондирилишни кўзлаган ҳолда Tashkent City ХИМ ҳудудидаги уйлар, харидорларнинг барча талаб ва дидларини инобатга олиб бунёд этилмоқда. У ерда барча: ёшу қари, ўзи учун муҳим ва жозибадор жиҳатни топиши ҳамда пойтахтнинг қоқ марказидан ўз уйини сотиб олиши мумкин.
Реклама ҳуқуқи асосида.
Изоҳ (0)