Қирғизистоннинг собиқ президенти Алмазбек Атамбаев қотилликда гумон қилинмоқда. Бу ҳақда Қўй-Тошдаги воқеалар бўйича давлат комиссиясининг фаолияти якунлари муҳокамалари чоғида ички ишлар вазири Қашқар Жунушалиев маълум қилди, деб ёзади «Вечерний Бишкек».
Вазирнинг сўзларига кўра, баллистик экспертиза натижалари «Алфа» махсус хизмати бошлиғи ўринбосари Усен Ниязбековнинг ўлимига олиб келган ўқ Алмазбек Атамбаев номига расмийлаштирилган карбин милтиғидан отилганини кўрсатди.
Ички ишлар вазири отишмани айнан ким амалга оширгани ҳозирча аниқланмаганлигини таъкидлаган.
Қашқар Жунушалиев кейинроқ ҳуқуқни муҳофаза қилиш органларидан ишдан бўшатилган ички ишлар вазири ўринбосари Курсан Асанов томонидан айнан ушбу қурол ўқсизлантирганини қайд этиб ўтган.
Мавзуга доир:
Қирғизистон собиқ президенти ҳуқуқ-тартибот идоралари ходимларига нисбатан зўравонлик, оммавий тартибсизликларни ташкил қилиш, қотилликни ташкиллаштириши, одамларни гаровга олишни ташкил қилиш, коррупция ҳамда Қўй-Тош қишлоғи ва Иссиқкўл вилоятидаги ерларни ноқонуний равишда ўзлаштирганликда айбланмоқда.
Изоҳ (0)