«Ўзбекистон ҳаво йўллари»нинг бир неча қатновлари туман сабабли кўчирилди ва бекор қилинди

«Ўзбекистон ҳаво йўллари» авиакомпанияси об-ҳаво шароитлари (туман, кўриш даражасининг ёмонлиги) сабабли ҳозирги вақтда Наманган ва Фарғона шаҳарларидаги аэропортлар ҳаво кемаларини қабул қилмаслигини маълум қилди.

Шу сабабли Наманган—Москва йўналиши бўйича парвоз қилувчи HY-619 қатновининг учиши 8 декабрь соат 19:15 дан 9 декабрь куни соат 14:00 га кўчирилди;

HY-606 (Москва—Самарқанд) қатновининг учиши соат 01:25 дан 18:10 га (9 декабрь) кўчирилди;

HY-42 (Самарқанд—Тошкент) қатновининг учиши соат 06:25 дан 10:00 га (9 декабрь) кўчирилди, Тошкентга қўниш вақти соат 10:40 да;

HY-95 (Тошкент—Наманган) қатновининг учиши соат 08:35 дан 12:00 га (9 декабрь) кўчирилди;

HY-690 қатнови (Калининград—Тошкент) командири Тошкентдаги Ислом Каримов номидаги аэропортда кўриниш яхши бўлмаганлиги сабабли самолётни Навоий шаҳридаги захира аэропортида қўндиришга қарор қилди.

9 декабрга мўлжалланган HY-96 (Наманган—Ташкент) авиарейси эса бекор қилинди.

«Об-ҳаво шароитлари сабаб юзага келган ноқулайлик учун узр сўраймиз ва тушунишингиздан умидвормиз», — дейилади хабарда.