Санкт-Петербург шаҳрида 54 ёшли ўзбекистонлик аёл кассир бўлиб ишлайдиган дўконга пулларни ўмариш учун келган босқинчи ниятига етолмади, деб ёзади «Fontanka.ru».
Қайд этилишича, Дибуновская кўчасида жойлашган дўконга 3 декабрь куни юзига тиббиёт ниқобини тутиб олган эркак бостириб киради. У қўлидаги тўппонча билан таҳдид қилиб, кассир — 54 ёшли ўзбекистонлик аёлдан пул беришни талаб қилган. Аёл ўзини йўқотиб қўймаган, босқинчига фаол қаршилик кўрсатган. Жиноятчи бундай реакцияни кутмаган ва қочиб кетган.
Ўзбекистонлик аёл ушбу ҳолат ҳақида биринчи бўлиб қўшни бинода ишлайдиган ошпазга гапирган. 33 ёшли петербурглик ошпаз дарҳол полицияга қўнғироқ қилган. Ҳуқуқ-тартибот органлари ходимлари босқинчини дарҳол ушлаган. Дўконга бостириб кирган 54 ёшли эркак фирмада экспедитор бўлиб ишлаши аниқланди.
Изоҳ (0)