Сурхондарёда ҳайдовчи ЙПХ инспекторига пора таклиф қилгани учун қўлга олинди. Бу ҳақда Сурхондарё вилояти ИИБ ахборот хизмати маълум қилди.
2019 йил 27 ноябрь куни К.Т. бошқа шахснинг номида бўлган УАЗ русумли автомашинани ишончномасиз бошқариб келганлиги учун ЙПХ инспектори томонидан автомашина жарима майдончасига жойлаштирилиб, тегишли тартибда маъмурий баённома расмийлаштирилган.
Икки кун ўтгандан сўнг К.Тнинг укаси, Қашқадарё вилояти, Деҳқонобод туманида яшовчи С.К. автомашинани жарима майдончасидан чиқариш ва жарима миқдорини камайтириб беришни сўраб, Шеробод тумани ИИБ ЙҲХБ масъул ходимига 200.000 сўм пулни пора тариқасида бераётган вақтда ИИВ Ўз хавфсизлиги бошқармаси вилоят бўлими ва Шеробод тумани прокуратураси масъул ходимлари томонидан ўтказилган тезкор тадбир жараёнида ушланган.
Ҳолат юзасидан 30 ноябрь куни С.К.га нисбатан Жиноят кодексининг 211-моддаси 1-қисми билан жиноят иши қўзғатилиб, тергов ҳаракатлари олиб борилмоқда.
Изоҳ (0)