Навоий вилояти Зарафшон шаҳрида уч ёшли қизча бахтсиз ҳодиса оқибатида чуқурга тушиб кетди. Бу ҳақда Навоий вилояти ФВБ матбуот хизмати «Дарё»га хабар берди.
30 ноябрь куни соат 11:30 да Зарафшон шаҳрида жойлашган «Мираж-1» боғдорчилик дала ҳовлиларида яшовчи Лобар Мардова Фавқулодда вазиятлар бошқармасига қўнғироқ қилиб, Вишнёва кўчаси 94-уйнинг орқа томонидаги оқава сувларини тортиб олиш учун мўлжалланган 15 метр чуқурликдаги ўрага 2016 йилда туғилган Дилноза Мақсудова тушиб кетгалигини айтиб уни чуқурликдан олиб чиқишда ёрдам сўраб мурожат қилади.
Воқеа жойига Зарафшон шаҳар ФВБ бошлиғи подполковник Т.Ешмуратов бошчилигида лейтенант Р.Аҳмедов ва лейтенант У.Хусановлар етиб борган ва тезлик билан чуқурлик атрофи ҳамда чуқурликнинг тупроқ деворлари мустаҳкамлиги ўрганиб чиқилган. Шунданг сўнг лейтенант У.Хусанов арқон ёрдамида чуқурликга туширилган ҳамда 3 ёшли Дилнозани ФВБ ходимлари арқон ёрдамида соғ-саломат юқорига олиб чиққан.
Дилнозага воқеа жойининг ўзида биринчи тиббий ёрдам кўрсатилган ва Зарафшон шаҳар Тиббиёт бирлашмасига жўнатилган.
Изоҳ (0)