Ички ишлар вазирлигида «Интерпол»нинг Ўзбекистондаги Миллий марказий бюроси ташкил этилганининг 25 йиллиги нишонланди. Бу ҳақда ИИВ ахборот хизмати хабар бермоқда.
Тадбирда вазирлик раҳбарияти, шахсий таркиби ва бошқа меҳмонлар иштирок этди.
Ички ишлар вазирининг биринчи ўринбосари, полковник Азиз Тошпўлатов «Интерпол»нинг Миллий марказий бюроси ходимларини байрам билан муборакбод этиб, халқаро жиноятчиликка қарши курашиш ва қидирувдаги шахсларни қўлга олишда уларнинг ҳиссаси беқиёс эканини таъкидлади.
Ички ишлар вазири буйруғи билан «Интерпол»нинг Ўзбекистондаги Миллий марказий бюроси бошлиғи, полковник Рустам Исроилов 1-даражали «Ички ишлар органларида бенуқсон хизматлари учун», бўлим бошлиғи полковник Ғанижон Алимуҳаммедов 2-даражали «Ички ишлар органларида бенуқсон хизматлари учун» кўкрак нишонлари билан тақдирланди.
Бундан ташқари, хизматда юксак натижаларга эришган бир гуруҳ ходимларга ИИВнинг қимматбаҳо эсдалик совғалари топширилди.
Изоҳ (0)