Самарқанд вилояти Паяриқ туманидаги Ғаллакор қишлоғида яшовчи ўқувчилар мактабга бориш учун 10 даража совуқда 7 километр масофани икки соатда босиб ўтмоқда. Ўқувчилар мактабга етгунга қадар тўсатдан сув келиши мумкин бўлган сойдан ўтади. Ота-оналар болалари мактабга етиб боргунга қадар, уларни бўри еб қўйишидан ҳам хавотирда. Бу ҳақда MY5 телеканалининг «Марказий студия» ахборот дастури хабар берди.
Хабар берилишича, аввал қишлоқ марказида мактаб бўлган, бироқ у ишлашга яроқсиз деб топилиб бузиб ташланган.
Аҳоли вакилларининг маълум қилишича, Паяриқ тумани собиқ ҳокими мазкур мактабни таъмирлаш учун 70 миллион сўм ажратишни ваъда қилган, бироқ бу ваъдасини уч йил давомида бажармаган. Туман ҳокимига мурожаатлар эса натижасиз қолган.
Эски мактаб бузилиб, 2015 йилда қишлоққа узоқроқ бўлган жойда янги мактаб қуриб берилган.
Қишлоқдан мактабгача бўлган масофада тўсатдан катта сув келиши мумкин бўлган сел йўли ва бўрилар хавфи мавжуд.
Туман ҳокимининг маълум қилишича, ҳокимлик мактаб қурилишига рози. Бунинг учун халқ таълими бўлими томонидан таклиф киритилиши зарур.
Изоҳ (0)