Фарғона вилоятида олди-берди масаласида жанжаллашган 53 ёшли муқаддам судланган Б.Н 33 ёшли жияни Р.Д.ни ўлдирмоқчи бўлди. Бу ҳақда «Дарё»га Бош прокуратура матбуот хизмати хабар берди.
Маълум бўлишича, воқеа 27 ноябрь куни соат 19:30 ларда Қўқон шаҳар Чанкатлик кўчасида яшовчи Б.Н.нинг яшаш хонадонида содир бўлган. Унинг уйига келган жияни Р.Д. билан олди-берди масаласида жанжаллашиб, жанжал давомида жиянига ошхона пичоғи билан чап кўкрак соҳасига бир маротаба уриб тан жароҳат етказган.
Воқеа жойига Б.Н.нинг турмуш ўртоғи М.Н. келиб қолган ва уларни ажратган.
Шифокорлар томонидан кўрсатилган малакали тиббий ёрдам натижасида Р.Д.нинг ҳаёти сақлаб қолинган.
Мазкур ҳолат юзасидан шу куни шаҳар прокуратураси томонидан Б.Н.га нисбатан Жиноят кодексининг 25, (Жиноятга тайёргарлик кўриш ва жиноят содир этишга суиқасд қилиш) 97-моддаси (Қасддан одам ўлдириш) 1-қисми билан жиноят иши қўзғатилган.
Изоҳ (0)