Интернет Эроннинг асосий қисмида ишлашни бошлаган. Бу ҳақда мамлакат президенти Ҳасан Руҳоний маълум қилган, деб ёзмоқда «ТАСС».
«Эроннинг асосий қисмида интернет хизматлари қайта ёқилган», — дейди Ҳасан Руҳоний.
Шунингдек, у қишлоқларда барча глобал тармоққа кириш имкониятига эга эканлигини билдирган.
Хабарга кўра, Эроннинг Теҳрон, Қум ва Казвин шаҳарлари, шунингдек, Кўхгилуе, Бойираҳмад, Хўрмўзган, Шарқий Озарбайжон ва Бушер вилоятларида ҳам интернет ишламоқда.
Эронда интернет 17 ноябрь куни 15 ноябрда бензин нархининг оширилиши туфайли бошланган норозилик намойишлари оқибатида ўчириб қўйилган. 21 ноябрь, пайшанба куни ҳукуматнинг мамлакатда интернетни қайта ишга туширгани хабар қилинган. Ушбу хабардан кейин АҚШ давлат котиби Майк Помпео форслардан давлат департаментига намойишлар билан боғлиқ фотосуратлар, видеолар ва бошқа ахборотларни юборишни сўраган. Эрон ташқи ишлар вазири АҚШнинг форслар алоқа ва коммуникациялар вазирига нисбатан санкция қўллаганига муносабат билдириб, Вашингтон учун интернетдан фойдаланишдаги эркинлик масалалари аҳамиятга эга эмаслигини қайд этган.
Изоҳ (0)