Бош прокуратура ҳузуридаги департаментнинг Андижон вилояти бошқармаси томонидан тезкор тадбир ўтказилди. Бу ҳақда Бош прокуратура матбуот котиби Ҳаёт Шамсутдинов маълум қилди.
Тадбирда фуқаро М.А. фуқаро Н.С.га юқори лавозимда ишловчи танишлари орқали туман ҳудудидан мебел ишлаб чиқариш ва иссиқхона қуриш учун 2 гектар ер ажратиб беришга кўмаклашиш эвазига 16 500 АҚШ доллари талаб қилиб, шундан 6 000 долларини фирибгарлик йўли билан олган вақтида ушланган.
Мазкур ҳолат юзасидан М.А.га нисбатан Жиноят кодексининг тегишли моддалари билан билан жиноят иши қўзғатилиб, тергов ҳаракатлари ўтказилмоқда.
Изоҳ (0)