Жорий йилнинг 24 ноябрь куни Вазирлар Маҳкамаси ҳузуридаги Дин ишлари бўйича қўмита раиси Абдуғофур Аҳмедов, Ўзбекистон мусулмонлари идораси раиси, муфтий Усмонхон Алимов иштирокида Андижонда йиғилиш ўтказилди.
Мусулмонлар идораси матбуот хизмати хабарига кўра, йиғилишда вилоят бош имом-хатиби лавозимига Андижон вилоятидаги «Саййид Муҳйиддин махдум» ўрта махсус ислом билим юрти мудири Мирзамақсуд Алимовни Андижон вилоят бош имом-хатиби лавозимига тайинлангани эълон қилинди.
Андижон вилоятининг аввалги бош имом-хатиби Нуриддин домла Холиқназаров жорий йилнинг август ойида Тошкент шаҳри бош имом-хатиби этиб тайинланганди.
Мирзамақсуд Алимов 1973 йил Андижон вилояти Жалақудуқ туманида зиёли оилада таваллуд топган. 1996 йилда «Имом Бухорий» Тошкент ислом институтини тамомлаган.
Иш фаолияти давомида Мирзамақсуд Алимов Жалақудуқ туманидаги «Сўфи қишлоқ» жоме’ масжиди имом-хатиби, туман бош имом-хатиби, Андижон вилоят бош имом-хатиби ўринбосари ҳамда «Саййид Муҳйиддин махдум» ўрта махсус ислом билим юрти мудири вазифаларида меҳнат қилган.
Изоҳ (0)