Самарқанд шаҳридаги Форумлар мажмуасида дунёнинг 31 мамлакатидан келган 310 нафардан ортиқ ишбилармонлар, нуфузли компаниялар ва инвестиция фондлари вакиллари иштирокида Invest in Samarkand биринчи Халқаро инвестиция форуми бўлиб ўтмоқда. Бу ҳақда «Дарё» мухбири Фарҳод Норбўтаев хабар бермоқда.
Маълум қилинишича, форумда Хитой, Жанубий Корея, Испания, АҚШ, Италия, Исроил, Россия, Япония, Ҳиндистон, Туркия, Тожикистон, Афғонистон, Қозоғистон ва бошқа давлат ишбилармонлари иштирок этмоқда.
Форумнинг очилиш маросимида сўз олган Самарқанд вилояти ҳокими Эркин Турдимов ҳамда Инвестициялар ва ташқи савдо вазири Сардор Умрзоқов иштирокчиларни самимий қутлаб, мавжуд инвестицион салоҳиятга тўхталиб ўтди.
Биринчи маротаба ўтказилаётган мазкур форум Самарқанд вилоятининг иқтисодий салоҳиятини янада ривожлантириш, тўғридан-тўғри хорижий инвестицияларни жалб этиш, инвесторларни ҳудуд имконияти ва салоҳияти билан таништиришга қаратилган.
Форум доирасида вилоят ишлаб чиқарувчиларининг «Made in Samarkand» миллий кўргазмаси тадбирлари бўлиб ўтмоқда.
Изоҳ (0)