Мозори Шариф шаҳрида Ўзбекистон ва Афғонистон Ислом авиация маъмурияти ўртасида музокаралар бўлиб ўтди, деб хабар берди ЎзА.
Ўзбекистон Транспорт вазирлиги делегациясини Афғонистон фуқаро авиацияси бошқармасининг ҳуқуқ ва халқаро шартномалар департаменти директори жаноб Ҳалилуллоҳ Абавий қабул қилди.
Музокаралар давомида авиация қатновлари соҳасидаги икки томонлама муносабатларнинг бугунги ҳолати ҳамда келгусида ўзаро манфаатли ҳамкорлик истиқболлари ҳақида сўз борди.
Кун тартибидаги масалалар бўйича конструктив фикр алмашилди, шунингдек, Афғонистон ва Ўзбекистон ўртасида парвозларни кўпайтириш ҳамда тайинланган авиакомпанияларнинг парвозлари географиясини кенгайтириш масалалари муҳокама этилди.
Музокаралар якуни бўйича Мозори Шариф шаҳридан Тошкентга парвозларни бошлаш учун тегишли келишувларга эришилди.
Афғонистон томони «Kam Air» авиакомпанияси тегишли ташкилий-техник тартиботлар якунига етгандан сўнг Мозори Шарифдан Тошкентга мунтазам рейсларни амалга ошириш учун тайёрлигини билдирди.
Мавзуга доир: Ўзбекистон Афғонистонга гуманитар ёрдам жўнатди
Изоҳ (0)