Ироқ хавфсизлик тузилмалари ходимлари Бағдоддан шимолда жойлашга икки жойда ИШИДнинг маҳаллий раҳнамоларини йўқ қилди. Бу ҳақда Ироқ ИИВ хабарига асосланиб «ТАСС» хабар берди.
Фото: BaghdadtodayВазирлик баёнотига кўра, жангариларга қарши операцияда ИИВнинг разведка ва тергов бўйича федерал агентлиги кучлари иштирок этган. Қидирувдаги террорчилар Киркук вилоятининг Ар-Риёд туманидан топилган ва у ерда йўқ қилинган.
Шунингдек, мамлакат ғарбида жойлашган Анбар вилоятида ҳарбий разведка масжидлардан бирида амалга оширилиши режалаштирилган терактни бартараф қилган. Ҳит шаҳридаги масжидда Жума намози ўқилаётган вақтда худкушлардан бири ўзини-ўзи портлатишга уринган. Махсус хизмат ходимлари бомба ва гранатани хавфсизлантиришга муваффақ бўлган.
ИШИД жангарилари 2014 йил ёзида Ироқнинг учдан бир қисмини эгаллаб олганди. Шу йили июнь ойида улар мамлакатдаги иккинчи энг катта шаҳар Мосулни босиб олиб у ерни янги ҳалифалик пойтахти деб эълон қилган. 2015 йилда Ироқ ҳукумати кучлари халқаро коалиция ҳамкорлигида эктремистлар эгаллаб олган ҳудудларни террорчилардан тозалаш бўйича катта операциялар ўтказишни бошлади. 2017 йил декабрида ўша вақтда Ироқ бош вазири бўлган Ҳайдар ал-Ободий мамлакатда ИШИДнинг бутунлай тор-мор қилинганини эълон қилган.
Ироқ кучишлатар тизимлари мамлакат ҳудудида яширинча фаолият юритаётган, ҳуқуқ-тартибот органлари ходимлари, ҳарбийлар ва фуқаролари ҳаётига таҳдид қилаётган террорчиларни йўқ қилиш бўйича операцияларни амалга ошириб келади.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)