15 ноябрь куни соат 12:30 да «Тошкент—Ўш» автомобиль йўли бўйлаб Қўқон шаҳрига кетаётган Spark бетон тўсиққа бориб урилиши оқибатида икки киши ҳалок бўлди. Бу ҳақда ИИВ ҳузуридаги Тергов департаменти хабар берди.
Spark автомобилини бошқариб кетаётган М.Т. Учкўприк тумани ҳудудида эҳтиётсизлиги туфайли бошқарувни йўқотиб, йўлнинг ўртасидаги икки томонлама ҳаркатланиш йўналишини ажратувчи бетон тўсиққа урилиб, ЙТҲ содир этган.
Оқибатда йўловчи 64 ёшли О.Т. (аёл) ҳодиса жойида, 61 ёшли М.Т. (аёл) эса Учкўприк туман ТТЙ жонлантириш бўлимида кўрсатилган тиббий муолажаларга қарамасдан вафот этган.
Мазкур ҳолат юзасидан фуқаро М.Т.га нисбатан Учкўприк тумани ИИБ ҳузуридаги тергов бўлими томонидан Жиноят кодексининг 266-моддаси 3-қисми «а» банди (Одамлар ўлимига олиб келган, транспорт воситалари ҳаракати ёки улардан фойдаланиш хавфсизлиги қоидаларини бузиш) билан жиноят иши қўзғатилган.
Ҳозирда ушбу жиноят иши бўйича дастлабки тергов ҳаракатлари давом эттирилмоқда.
Изоҳ (0)