Боливия собиқ президенти Эво Моралес АҚШ уни алдов йўли билан Гуантанамо қамоқхонасига юбормоқчи бўлганини даъво қилди. Бу ҳақда у Reuters агентлигига берган интервьюсида маълум қилди, дея хабар беради «РБК».
«Қўшма Штатлар расмийлари Боливия ташқи ишлар вазирига қаерга боришни истасак, ўша ерга элтиб қўйиш учун самолёт жўнатиш таклифи билан қўнғироқ қилган. Мен бу Гуантанамо бўлишига ишончим комил эди», — таъкидлаган Моралес.
Маълумот учун, Моралес сиёсий бошпана бериш ҳақидаги Мексиканинг таклифини қабул қилди ва 12 ноябрь куни самолётда ушбу мамлакатга етиб борди.
Изоҳ (0)