«Бавария» бош мураббийи Нико Ковач эгаллаб турган лавозимини тарк этди. Бу ҳақида мюнхенликлар клуби расмий сайтида маълум қилинди.
Баёнотда таъкидланишича, томонлар ўзаро келишувга кўра шартномани бекор қилган.
«Бавария» Бундеслига 10-туридан ўрин олган баҳсда «Айнтрахт»га 1:5 ҳисобида ютқазиб қўйганди. Айни дамда жамоа 18 очко билан чемпионатда 4-ўринда бормоқда.
Ковач Мюнхен клуби сафига 2018 йилда «Айнтрахт»дан келганди. Унинг қўл остида жамоа чемпионат, Германия Кубоги ва Суперкубогини ютиб олди.
Аввалроқ «Бавария» Ковачга ўринбосар сифатида Массимилиано Аллегрини кўраётгани хабар қилинганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)