Европа кенгаши Brexit муддатини 2020 йил 31 январгача узайтириш ҳақида қарор қабул қилди. Бу ҳақда Брюсселда 29 октябрь, сешанба куни тарқатилган коммюникеда маълум қилинган, дея хабар беради «Интерфакс».
«Буюк Британия Евроиттифоқдан чиқиши тўғрисидаги келишув ратификация қилиниши учун кўпроқ вақт бериш мақсадида муддат 2020 йил 31 январгача узайтирилди. Агар келишув иккала томондан ҳам ратификация қилинса, тузилмадан чиқиш 2019 йил 1 декабргача ёки 2020 йил 1 январгача амалга оширилиши ҳам мумкин», — дейилади коммюникеда.
Ҳужжатда Буюк Британия узайтирилган муддат давомида Евроиттифоқнинг барча ҳуқуқ ва мажбуриятларга эга аъзо давлати бўлиб қолиши қайд этилган.
Ушбу қарор Евроиттифоққа аъзо 27 давлат етакчилари томонидан маъқулланганидан сўнг Европа кенгаши томонидан бир овоздан қабул қилинди.
Изоҳ (0)