Аввалроқ, Бойсунда 18 ёшли йигит ўз жонига қасд қилган, ҳуқуқ-тартибот органлари ҳамон бу борада ҳеч қандай маълумот бермаётгани ҳақида хабар берилганди. Бош прокуратура мазкур ҳолат юзасидан баёнот берди.
Таъкидланишича, 2019 йил 24 сентябрь куни соат тахминан 21:00 ларда Бойсун тумани Газа маҳалласида яшаган Акобир яшаш уйи молхонасининг шифт қисмидаги ёғоч устунга ўзини осиб, жонига қасд қилгани оқибатида ҳодиса жойида вафот этган.
Мазкур ҳолат юзасидан Бойсун туман прокуратураси томонидан терговга қадар текшириш ҳаракатлари олиб борилган.
Аниқланишича, Мамашариф исмли фуқаро коллеж маъмуриятига мурожаат қилиб, 23 сентябрь куни дарсдан қайтаётган қизига тош отган ўқувчи Акобирга қонуний чора кўришини талаб қилган.
Қизнинг отаси Мамашариф жаҳлдан тушмаганлиги сабабли коллеж директори Акобирнинг отасига ҳамда Газа маҳалла фуқаролар йиғини ходимларига қўнғироқ қилиб, коллежга келишни сўраган. Бироздан сўнг, коллежга маҳалла котиби, ҳудуд профилактика инспектори, профилактика инспекторининг жамоат тартибини сақлаш бўйича ёрдамчиси, Акобирнинг акаси ва бобоси келган ва тарафлар иштирокида тушунтириш ишлари олиб борилган.
Бундан ташқари, Мамашариф қизига тош отган Акобирга нисбатан қонуний чора кўришликни сўраб туман ИИБга ариза билан мурожаат қилган. Ариза юзасидан ўтказилган текшириш натижаларига кўра, Акобирнинг ҳаракатларида Маъмурий жавобгарлик тўғрисидаги кодекснинг 52-моддаси («Енгил тан жароҳати етказиш») 2-қисмида назарда тутилган ҳуқуқбузарлик аломатлари мавжуд бўлса-да, Акобир вафот этганлиги сабабли жиноят ишини қўзғатишни рад қилиш ҳақида қарор қабул қилинган.
Ҳозирда марҳумнинг қариндошлари томонидан коллежда бўлиб ўтган муҳокама давомида коллеж директори ва бошқалар томонидан Акобир уриб тан жароҳати етказганлиги ва уни ҳақорат қилиб, камситганлиги сабабли унинг ўлимига сабабчи бўлган деб ҳисобламоқда.
Мавзуга доир: Бойсунда 18 ёшли йигит ўз жонига қасд қилди. Ҳуқуқ-тартибот органлари ҳамон бу борада ҳеч қандай маълумот бермади
Марҳумга нисбатан коллеж маъмурияти, профилактика инспектори ва бошқалар томонидан қўпол ва аёвсиз муносабатда бўлиш, унга жисмоний ва руҳий азоб етказиш ҳолатларига йўл қўйилмаган», — дейилади хабарда.
Изоҳ (0)