Ироқдаги инсон ҳуқуқларини ҳимоя қилиш ташкилотлари мамлакатда қайта бошланган ва икки кундан бери давом этаётган ҳукуматга қарши норозиликлар вақтида 63 нафар одамнинг ҳалок бўлгани ва 2,5 мингдан ортиқ одамнинг турли даражадаги жароҳати олганини хабар қилди, деб ёзмоқда «РИА Новости».
«Бағдод, Майсон, Ди-Кар, Басра, Мутанна, Девония, Бобил вилоятларида норозилик билдирганлар орасидаги қурбонлар сони 63 нафарга етди. 2595 киши яраланаган», — дейилади инсон ҳуқуқлари бўйича юқори комиссия баёнотида.
Комиссия ахборотига кўра, икки кун ичида 83 та давлат корхонаси ва сиёсий партиялар офиси биноларига зарар етказилган.Бағдодда ҳуқуқ-тартибот идоралари кўзни ёшлантирувчи газ ҳамда сув отиш водомётларини қўллаб ҳукумат ҳамда хорижий дипломтик миссиялар биноларини эгаллашга уринган оломонни «яшил зона»дан узоқлаштирган. Ироқнинг жанубий вилоятлари Мутанна, Восит, Ди-Кар ва Майсанда сайлов комиссияси, ҳокимлик бинолари, бир нечта сиёсий партияларнинг офислари ёқиб юборилган.
Намойишчилар ҳукумат истеъфосини талаб қилмоқда. Улар коррупция, ишсизлик ва халқнинг муносиб шароитларда ҳаёт кечиришини таъминлашни талаб қилган. Ироқ бош вазири Одил Абд ал-Маҳдий намойишлар қайта бошланишидан аввал ҳукуматда ўзгаришлар қилиниши ва сайлов қонунчилигига ўзгаритириш киритилишини билдирган. Шунингдек, ҳукумат раҳбари вазирлар маҳкамасининг истеъфосини мамлакатдаги оғир вазиятни янада ёмонлаштиришини маълум қилган.
Изоҳ (0)