Ижтимоий тармоқларда Ўзбекистондаги мактабларда дарслар ўқувчиларнинг мадҳия куйлашидан бошланиши белгилангани ҳақидаги хабарлар тарқалди.
Унга кўра, Халқ таълими вазири ўринбосари Дилшод Кенжаев 17 октябрь куни барча ҳудудий бошқармаларга расмий хат юборган. Унда ҳукуматнинг 2019 йил 14 октябрдаги видеоселектор мажлиси ижросини таъминлаш мақсадида 2019—2020-ўқув йилининг 2-чорагидан бошлаб дарс ва машғулотлар ҳар куни Ўзбекистон мадҳиясини куйлашдан бошланиши белгиланган.
ХТВ бу хабарлар ростигини «Дарё»га тасдиқлади. Қайд этилишича, ушбу тартиб ўқувчиларнинг ватанпарварлик ҳиссини ривожлантириш ҳамда давлат рамзларига нисбатан ҳурматни мустаҳкамлаш мақсадида жорий этилмоқда.
Изоҳ (0)