«Кафил шоу» кўрсатувида Tracker ютиб олган фуқаро ютуғини ололмаётганидан норозилик билдириб, Ўзбекистон истеъмолчилар ҳуқуқларини ҳимоя қилиш жамиятлари федерациясига мурожаат қилди.
Маълум бўлишича, оҳангаронлик Шахриёр Аброров 23 июль куни «Маҳалла» телеканалида суғурта компаниясининг «Кафил шоу» кўрсатувида иштирок этиб, Tracker автомашинасини ютиб олган. Аммо шу кунгача ютуғини ололмаган.
Ушбу мурожаат Ўзбекистон истеъмолчилар ҳуқуқларини ҳимоя қилиш жамиятлари федерацияси ходимлари томонидан ўрганилган. Федерация мутасаддилари «Кафил» суғурта компаниясига бориб, ҳолатга аниқлик киритган.
Натижада Шахриёр Аброровга Tracker автомашинаси олиб берилган.
Изоҳ (0)