PlayStation 5 ўйин қурилмаси 2020 йилнинг охирида тақдим этилади, бироқ Sony компаниясининг танланган ҳамкорлари қурилмани аллақачон синовдан ўтказишни бошлаган. Қурилманинг ўйин яратувчилар учун мўлжалланган намунаси суратлари пайдо бўлди, деб ёзмоқда «Kod.ru».
Нашрнинг қайд этишича, интернет тармоғида пайдо бўлган ўйин яратувчилар учун мўлжалланган тўплам сурати Sony компаниясининг патентида акс этган ва август ойида пайдо бўлган суратга ўхшайди. Бунда қурилманинг якуний кўриниши анча фарқ қилиши таъкидланмоқда.
Суратда олтита USB порт, шу жумладан, тўртта USB 3.0 ва иккита USB 2.0 акс этган. Бундан ташқари, On/Snandby, Reset, Eject, System init ва Network init тугамаларини ҳам кўриш мумкин. Нашр томонидан қайд этилишича, бундай тўплам оддий фойдаланувчиларга керак бўлмайди ва қурилманинг якуний кўринишида уларнинг сони қисқаради. Шунингдек, қурилмани совутиш учун зарур бўлган V шаклидаги кесим ҳам эътиборни тортади.
Аввалроқ PlayStation 5 ўйин қурилмаси 2020 йил охирида тақдим этилиши маълум қилинган эди.
Изоҳ (0)