«Fayzbog.uz» сайтида эълон қилинган «Куч адолатда! Кабул Дусов ‘Адолат’ партиясига ўтди» хабарида Халқ депутатлари Бўстонлиқ тумани Кенгаши депутати, «Миллий тикланиш» демократик партияси аъзоси бўлган Кабул Дусов бошқа партияга ўтганини эълон қилинган эди. «Адолат» СДП ушбу хабарга расмий муносабат билдирди.
«Адолат» СДП матбуот хизматининг расмий баёнотига кўра, бугунги кун ҳолатида «Адолат» СДПнинг туман, шаҳар ташкилотлари томонидан Кабул Дусов партия аъзолигига қабул қилинмаган.
16 октябрь куни тармоқларда депутат Кабул Дусов Яшнобод тумани аҳолиси билан бўлган жанжали тасвирланган видео тарқалган эди. Кейинроқ депутат мазкур видеога изоҳ берган, ундан сал ўтиб эса «МY5» канали мухбирига қўполлик қилгани тасвирланган видео яна тармоқларда айлана бошланганди. Шундан сўнг депутат «Fayzbog.uz» сайтига интервью берган. «Миллий тикланиш» демократик партияси Марказий кенгаши Кабул Дусовнинг интервьюда партия аъзолигидан чиқиш ҳақидаги мурожаатини маълумот учун қабул қилгани ва уни 1 ноябрь куни бўлиб ўтадиган партиянинг навбатдаги сездида халқ депутатлари маҳаллий Кенгаш депутатлигига кўрсатиладиган номзодлар таркибидан чиқарилганлигини маълум қилганди.
Изоҳ (0)