Ҳиндистоннинг Кашмир вилоятида Тангдҳарда содир бўлган отишмада икки нафар ҳинд аскари, олти нафар Покистон ва бир нафар Ҳиндистон тинч аҳоли вакили ҳалок бўлган. Бу ҳақда «ТАСС» хабар тарқатди.
Яна уч нафар ҳинд ва саккиз нафар покистонлик тинч аҳоли вакилининг турли даражадаги тан жароҳати олгани хабар қилинмоқда. Ҳиндистон армияси вакилларининг айтишича, Покистон вилоятда эълон қилинган ўт очмаслик шартини бузган ва натижада Ҳиндистон ушбу ҳаракатга жавоб қайтарган. Кашмирнинг Покистондаги қисм раҳбари Фарруҳ Ҳайдар ҳиндларнинг тинч аҳоли вакилларини ўлдирганлигини таъкидлаб, буни юқори даржадаги «ваҳшиёна ҳаракат» дея баҳолаган.
Аввал Покистон томонидан бошланган Кашмирдаги отишмада бир киши ҳалок бўлгани ва уч нафар одамнинг жароҳатлангани маълум қилинганди.
Вилоятда бу каби отишмалар содир бўлишининг эҳтимоли юқорилигича қолмоқда. Июль ойида бундай низоларнинг 296 таси, августда 307 та ва сентябрда 292 та ҳолатлари кузатилган. Шунингдек, куз бошидан бундай низоларда миномёт ҳамда артиллерия қуролларидан фойдаланилиш бошланган. 2019 йил бошидан буён кузатилган бу каби отишмаларда жами 21 киши қурбон бўлган.
5 августда Нью-Дели Жамму ва Кашмир штатларини тугатиб, улар ўрнида ҳуқуқлари штатга нисбатан камроқ иккита Жамму ва Кашмир вилояти ҳамда Ладох ташкил қилинишини эълон қилди. Ҳиндистон парламенти шу мақсадда Конституциядаги «Штатга алоҳида мақом бериш ҳақидаги» 370-моддани бекор қилди. Покистон бу ҳаракатларни кескин қоралаган ва буни қўшниларнинг ички сиёсати дея баҳолаб жиддий қабул қилмаган. Кашмирнинг ҳинд қисмида ҳудуднинг Ҳиндистондан мустақил бўлиши учун курашувчи жангари гуруҳлар фаол ҳаракат олиб боради. Нью-Дели расмийлари терактлар, отишмалар ва нотинчликда Исломободнинг аралашуви борлигини таъкидлаб келади, Покистон эса буни инкор этади.
Изоҳ (0)