«Менинг фикрим» жамоавий мурожаатлар порталига хусусий туғруқ комплексларини ташкил этиш тўғрисида таклиф жойлаштирилди.
Таклифда аҳоли сони тобора ортиб бораётган вақтда сифатли ва қулай тиббий хизматга бўлган талаб ҳам ошиб бораётгани таъкидланган.
«Мамлакатимизда туғруқлар сони йилдан йилга кўпайиб бормоқда. Бу қувонарли ҳол, албатта. Бироқ туғруқ вақтида тиббий хизматнинг сифат даражаси ва туғруқ масканларининг узоқлиги чекка вилоятларда турли ноқулайликларни келтириб чиқармоқда. Она ва бола саломатлигини сақлаш устувор аҳамият касб этар экан, бу борада хусусий туғруқ комплексларини ташкил этиш айни муддао ҳисобланади. Ҳозирда замонавий, қулай ва сифатли тиббий хизмат кўрсатадиган хусусий туғруқ масканларига эҳтиёж катта», — дейилади таклифда.
«Шу сабабли юқоридагиларни инобатга олган ҳолда хусусий туғруқ комплекслари ташкил этилишини таклиф қиламиз», — деб ёзади петиция муаллифи.
Изоҳ (0)