ФВВ томонидан сел ва сув тошқини хавф мавжуд бўлган ҳудудларда 1577 нафар ҳамда ер кўчиши ва ўпирилиши мавжуд бўлган ҳудудларда эса 2013 нафар фуқаро яшаётганлиги аниқланган. Бу ҳақда 14 октябрь куни ФВВ вакиллари жуоналистлар билан бўлиб ўтган очиқ мулоқотда маълум қилинди, дея хабар бермоқда «Дарё» мухбири Мусулмонбек Иброҳимов.
Берилган ахборотга кўра, вазирлик томонидан геологик ва гидрометеорологик ҳодисалар содир бўлиши мумкин бўлган хавфли ҳудудлар ўрганиб чиқилган. Ўрганиш натижасида республиканинг гидрометеорологик (сел, сув тошқини) хавф мавжуд бўлган 38 та ҳудудда 289 та хўжалик ва 1577 нафар фуқаро ва геологик хавф (ер кўчиши, ўпирилиши) мавжуд бўлган 27 та ҳудудда эса 75 та хўжалик, 2013 нафар фуқаро яшаётганлиги аниқланган.
Шундан 24 та хўжалик ва 31 нафар фуқарони (Сирдарё вилоятида 20 та хўжалик, 27 нафар фуқаро ҳамда Тошкент вилоятида 4 та хўжалик, 4 нафар фуқаро) реал хавф бўлганда вақтинча кўчириш талаб этилган.
Шу кунга қадар гидрометерологик ва геологик хавфли участкаларда истиқомат қилувчи республика аҳолисини муҳофаза қилиш учун 113 та хўжалик ва 569 нафар фуқаро хавфли ҳудудлардан яшаш учун хавфсиз ҳудудларга кўчирилган. Шунингдек, 226 та хўжалик ҳамда 1220 нафар фуқаро сел ва сув тошқин сувларидан муҳофаза қилиниб, уларга бўлган хавф бартараф этилган.
Сурхондарё ва Тошкент вилоятларида 18 та хўжалик 121 нафар фуқарони сел ва тошқин сувларидан муҳофаза қилиш мақсадида лойиҳа-смета ҳужжатлари асосида қирғоқ мустаҳкамлаш ишлари кетмоқда.
Изоҳ (0)