Президент Шавкат Мирзиёев 9 октябрь куни Тошкентнинг Олмазор туманида қурилиши давом этаётган Olmazor Business City ишбилармонлик маркази қурилишини бориб кўрди.
Қурувчи ва мутасаддилар билан суҳбаталашаркан, Президент инновацион, энергия тежамкор технологияларга алоҳида эътибор қаратиш зарурлигини таъкидлаб ўтган.
Мавзуга доир: Шавкат Мирзиёев Olmazor City’нинг қурилиши билан танишди
Давлат раҳбари қурилаётган уйлардаги хонадонларнинг бўлажак эгаларига малакали, сифатли хизмат кўрсатиш лозимлигини ҳам алоҳида уқтирган.
«Қуриш бу биринчи қадам. Асосийси — малакали эксплуатация. Уйларга, одамларга сифатли хизмат кўрсатиш, муҳандислик ускуналаридан самарали фойдаланиш зарур», — дея қўшимча қилди Президент Шавкат Мирзиёев.
Маълумот учун, Olmazor Business City ишбилармонлик маркази Кичик ҳалқа йўли ва Янги Олмазор кўчаси оралиғидаги қарийб 24 гектар ҳудудда 2019 йил бошидан бери қурилмоқда. Майдон 6 та лотга бўлинган — биринчи ва иккинчи лотларда савдо маркази, офислар ва кўнгилочар масканлар, учинчи, тўртинчи ва бешинчи лотларда 2 100 хонадонга мўлжалланган 28 та кўп қаватли уй, олтинчи лотда 300 ўринли боғча ҳамда 500 ўринли мактаб қурилмоқда.
Изоҳ (0)