Бекободда Malibu автомашинаси иштирокида йўл-транспорт ҳодисаси содир бўлди, деб ёзади «Хабар».
Маълум қилинишича, Malibu автомашинаси йўлдан чиқиб кетган ва қатнов қисмини ажратиб турувчи бетон тўсиққа бориб урилган. ЙТҲ содир бўлган вақтда машинада икки киши бўлган.
Ҳодиса оқибатида вафот этганлар қайд қилинмаган, бироқ ҳайдовчи ва унинг йўловчиси жиддий тан жароҳатлари билан касалхонага ётқизилган. Уларнинг ҳолати ҳақида бошқа маълумот йўқ.
Изоҳ (0)