Афғонистоннинг амалдаги президенти Муҳаммад Ашраф Ғани мамлакатда ўтган президентлик сайловлари ғолиби бўлган номзод номи яқин уч ҳафта ичида маълум қилинишини билдирди. У бу ҳақида «Tolo» телеканалидаги интервьюсида айтиб ўтган.
«Халқнинг холис овоз бериш йўли билан шафоф тарзда ўтган президентлик сайловларида ғолиб номзод кейинги уч ҳафта ичида қасамёдни амалга оширади», — дейди Ашраф Ғани.
У интервью вақтида уч ҳафтадан сўнг мустақил сайлов комиссияси якуний натижаларни эълон қилишини ҳам қўшимча қилган.
Сайлов комиссияси маълумотига кўра, ўтган ҳафтада Афғонистонда ўтказилган президентлик сайловларида комиссия рўйхатдан ўтказган 9,6 миллион фуқародан 2,6 миллион нафари иштирок этган.Афғонистон президентлигига номзод сифатида 18 киши даъвогарлик қилган сайловларда учта асосий сиёсий гуруҳ кураш олиб борган, булар: амалдаги президенти Ашраф Ғани, ижро ҳокимияти раҳбари Абдулла Абдулла ҳамда мамлакат собиқ президенти Ҳамид Карзай етакчи бўлган фракция аъзолари эди.
Мавзуга доир:Афғонистонда бўлиб ўтган президентлик сайловларида бош вазир ўзини ғолиб деб эълон қилди
Шунингдек, бош вазир ўз баёнотида эҳтимолий ҳуқуқбузарликларни изоҳлаб, овозларни сохталаштириш бўйича асосий хавф биометрик рўйхатдан ўтказиш тизимини ишлатишдан бош тортиш билан боғлиқлигини айтган. Афғонистоннинг шаффоф сайловлари жамғармасининг ҳисоб-китобига кўра, 24 фоиз сайлов участкаларининг ходимларига биометрик қурилмалар билан тўғри ишлаш ўргатилмаган, яна 109 та овоз бериш пунктида қурилмалар носоз бўлган.
Мавзуга доир:
Изоҳ (0)