Тошкентда 49 та ихтисослаштирилган болалар боғчалари қайта ташкил этилади

2 октябрдан бошлаб Тошкент шаҳрида 49 та ихтисослаштирилган мактабгача таълим ташкилотлари фаолияти ташкил этилади. Бу ҳақда Мактабгача таълим вазирлиги матбуот хизмати хабар берди.

Унга кўра:

• 18 та давлат кўп тармоқли ихтисослаштирилган мактабгача таълим ташкилотлари жисмоний ёки ақлий ривожланишида нуқсони бўлган болалар учун, бунда жиддий нутқида нуқсони бўлган болалар учун гуруҳлар (нутқ терапияси) ҳам мавжуд;
• 31 та умумий давлат мактабгача таълим ташкилотлари.

Қайта ташкил этиш бўйича қарор Мактабгача таълим вазирлиги ҳамда Соғлиқни сақлаш вазирлиги билан ҳамкорликда ўтказилган комплекс текширувдан сўнг қабул қилинган. Маълум бўлишича, ихтисослаштирилган мактабгача таълим ташкилотларининг 70—94 фоиз тарбияланувчилари соғлом ва умумий типдаги мактабгача таълим ташкилотларида ўқиши мумкин.