АҚШ Вакиллар палатасининг президент Дональд Трампга қарши импичмент жараёнини бошлаш қарорини америкаликларнинг 47 фоизи қўллаб-қувватламоқда. Meduza’нинг хабар беришича, бу 3 ой олдинги натижадан 12 фоизга кўп.
Хабарда айтилишича, бу ҳақда The Hill нашри ва HarrisX тадқиқот компанияси томонидан ўтказилган сўровнома натижалари гувоҳлик бермоқда. Сўровномада иштирок этганларнинг 42 фоизи импичмент жараёнига қарши чиққан, 11 фоизи эса саволга жавоб бера олмаган.
The Hill’нинг қайд этишича, АҚШ Демократлар партияси тарафдорларидан импичментни қўллаб-қувватловчилар сони 59 фоиздан 78 фоизга, Республикачилар партиясидан эса 13 фоиздан 18 фоизга ошган.
Дональд Трампга қарши импичмент жараёни президентнинг Владимир Зеленский билан телефон суҳбатидан сўнг бошланган. Унда Трамп Украинадаги Burisma газ компанияси фаолиятини текширишни сўраганди.
Мавзуга доир:
- АҚШ Конгресси Дональд Трампнинг Зеленскийга босими туфайли унга импичмент эълон қилиш ниятида
- Оқ уй Трампнинг Зеленский билан суҳбати матнини эълон қилди. Айнан шу суҳбат сабаб АҚШ президентига қарши импичмент жараёни бошланди
- Конгресс Трампга импичмент билан таҳдид қилмоқда. Сабаб — унинг Зеленский билан суҳбати. Аҳвол анча жиддий
- Оқ уй Трамп ва Путиннинг телефон суҳбатини яширганликда гумонланмоқда
Изоҳ (0)