26 сентябрь куни соат 12:34 да Навоий шаҳарининг Садриддин Айний кўчасида турган «Темир йўл транспорт бошқармаси» МЧЖга қарашли Nexia русумли автомобили ёниб кетди. Бу ҳақда Давлат ёнғин хавфсизлиги хизмати хабар берди.
Воқеа жойига иккита ёнғин ўчириш бўлинмалари жалб этилган. Бўлинмалар чақирилган манзилга уч дақиқада етиб борган ва ёнғин соат 12:39 да қуршаб олиниб, соат 12:42 да тўлиқ бартараф этилган. Ҳодиса оқибатида Nexia русумли автомобиль тўлиқ ёниб кетган.
Ҳодисанинг келиб чиқиш сабаби юзасидан дастлабки суриштирув ишлари олиб борилганда, автомобилда ҳаракатланиб кетаётган ҳайдовчи ёқилғи ҳидини сезиб, автомобилни йўл четида тўхтатганлиги ва қайтадан ўт олдирган вақтида аланга юзага келгани аниқланган.
Ёнғин ўчириш бўлинмалари етиб келган вақтда автомобилга ўрнатилган 65 литр сиғимдаги пропан газ баллони ёнғин оқибатида портлаган.
Тан жароҳати олганлар ва ҳалок бўлганлар йўқ. Ёнғин сабаби ва моддий зарар миқдори аниқланмоқда.
Изоҳ (0)