Футбол бўйича Ўзбекистон Кубогининг ярим финал учрашувлари 26 сентябрь, пайшанба куни бўлиб ўтади.
ОКМК клуби Олмалиқда Вадим Абрамов қўл остидаги «Бунёдкор»ни қабул қилади. Амалдаги чемпион мусобақани 1/8 финалдан бошлади, Миржалол Қосимов жамоаси ярим финалга қадар «Машъал» (1:0) ва «Оқтепа» (4:3) жамоларини мағлубиятга учратди. «Қалдирғочлар» 1/16 финалда «Металлург»ни (2:1), кейинчалик «Қизилқум» (3:0) ва «Сўғдиёна»ни (2:1) мағлуб этган ҳолда ярим финалга етиб келди.
Иккинчи ярим финал баҳси «Пахтакор» ва «Насаф» жамоалари ўртасида кечади. Ўтган йили мусобақа финалида ўйнаган Шота Арвеладзе шогирдлари нимчорак финалда «Яшнабод»ни йирик ҳисобда доғда қолдирган (5:0) ва кейинги босқичда «Сурхон»дан устун келганди (2:0). Қаршиликлар эса «Истиқлол» (2:1), «Андижон» (3:0) ва «Навбаҳор»ни (1:0) ортда қолдирган ҳолда шу босқичга етиб келди.
Ўзбекистон Кубоги
Ярим финал баҳслари
26 сентябрь, пайшанба, 18:00
ОКМК — «Бунёдкор»
«Пахтакор» — «Насаф»
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)