Ўзбекистоннинг Санкт-Петербургдаги Бош консулхонаси берган маълумотга кўра, 22 сентябрь куни Мария шифохонасида Ўзбекистон фуқароси С.С. вафот этган.
Ташқи ишлар вазирлиги хабарига кўра, у 21 сентябрь куни Фурштат кўчасида жароҳатланган ҳолда топилган ва касалхонага жойлаштирилган эди.
Қайд этишларича, айни пайтда ушбу ҳолат юзасидан Россиянинг ваколатли органлари томонидан тергов тадбирлари олиб борилмоқда.
Бош консулхона вазиятни назоратга олган ҳамда марҳумнинг жасадини Ўзбекистонга юбориш билан боғлиқ консуллик-ҳуқуқий ва ташкилий масалаларни ҳал қилиш билан шуғулланмоқда.
Аввалроқ, 16 июль куни Санкт-Петербургдаги қурилишда Ўзбекистон фуқароси вафот этгани, 19 июль куни Санкт-Петербургнинг Москва туманидаги уйларнинг биридан Ўзбекистон фуқаросининг жасади топилгани, 6 сентябрь куни Болшой Пушкарский кўчасида яшовчи ишсиз ўзбекистонлик хонадош аёлни пичоқлаб ўлдиргани, 16 сентябрь куни эса шаҳардаги Burger King емакхонасидан ўзбекистонликнинг жасади топилгани ҳақида хабарлар берилган эди.
Изоҳ (0)