«Ўзстандарт» агентлиги Ўзбекистонга электротехника олиб киришнинг янги тартибини жорий этиш таклиф қилинаётган Вазирлар Маҳкамаси қарорини жамоатчилик муҳокамасига қўйди, деб ёзади Spot.
Ушбу таклифга мувофиқ, республика ҳудудларида камида битта сервис марказига эга бўлган заводнинг расмий вакиллари ёки ишлаб чиқарувчининг расмий дилерлари электротехника маҳсулотларини мамлакатга олиб кириш билан шуғуллана олади.
Янги тартибни 2020 йилнинг 1 январидан жорий этиш таклиф қилинмоқда.
Янги тартиб қўлланиладиган электротехника воситалари рўйхати ҳам келтирилган:
- Музлатгич ва совутгичлар
- Вентиляторлар
- Кондиционерлар
- Идиш-товоқ ва кир ювиш машиналари
- Электр жиҳозлари
- Трансформаторлар
- Чангютгичлар
- Монитор ва проекторлар
- Мобил телефонлар
- Ва бошқалар.
Мисол учун, Apple маҳсулотлари Америка компаниясининг вакиллари томонидан импорт қилиниши керак ва ҳар бир минтақада камида битта Apple хизмат кўрсатиш маркази пайдо бўлиши керак. Бошқа ишлаб чиқарувчилар билан ҳам худди шундай.
Аввалроқ «Ўзстандарт» аввал фойдаланилган кийимлар, техника, эҳтиёт қисмлари ва шиналар импортини тақиқлашни таклиф қилаётгани ҳақида хабар берилган эди.
Изоҳ (0)