Канада бош вазири Жастин Трюдо 2000 йиллар бошида ўзи иштирок этган оқшом тадбирларининг бирида оқ салла ўраган ва юзини қора рангда гримм қилган ҳолда эртак қаҳрамони Оловуддин қиёфасида суратга тушгани учун кечирим сўради, деб ёзмоқда Meduza.
Ушбу фотосурат Time журнали томонидан чоп этилганди. Нашрда қайд этилишича, фотосурат 2001 йилда Трюдо дарс берган Ванкувер шаҳрида «Араб кечалари» номли ёпиқ оқшом тадбирида олинган.
Сурат нашр этилгач Канада парламентининг оппозицион вакиллари Трюдони ирқчиликда айблади.
Бош вазир маҳаллий телеканаллар орқали тўғридан-тўғри эфирда Галифакс аэропортидаги ўз самолёти бортидан туриб кечирим сўради. Трюдонинг айтишича, 18 йил аввал ушбу кўриниш сабаб уни ирқчиликда айблашларини хаёлига ҳам келтирмаган.
Бўлган ишдан жуда афсусдаман, ўшанда бу ҳақда яхшироқ ўйлашим керак бўлган экан.Канада бош вазири Жастин Трюдо
Изоҳ (0)