Бунга қадар Ўзбекистон Ҳисоб палатаси раисининг биринчи ўринбосари лавозимида ишлаб келган Олимхон Рустамов иқтисодиёт ва саноат вазирининг биринчи ўринбосари лавозимига тайинланди. Бу ҳақда «Gazeta.uz» хабар берди.
Иқтисодиёт ва саноат вазирининг биринчи ўринбосари лавозими июнь ойида Равшан Ғуломов президентнинг иқтисодиёт соҳаларини ривожлантириш, инвестицион ва ташқи савдо сиёсатини амалга ошириш масалалари бўйича маслаҳатчиси этиб тайинланганидан буён вакант бўлиб қолаётган эди.
Олимхон Рустамов 1966 йилда туғилган. У 1989 йилда Тошкент давлат иқтисодиёт университетини битирган.
2005−2014 йилларда Ҳисоб палатасида бош инспектор, 2014−2016 йилларда Навоий кон-металлургия комбинати бош директори ўринбосари лавозимларида ишлаган. 2016−2017 йилларда «Ўзбекнефтгаз» раисининг иқтисодиёт ва молия бўйича ўринбосари бўлган.
Изоҳ (0)